MONICREQUES DE KUKAS

ARLEQUINA

Dirección: Isabel Rey e Kukas

Elenco artístico: Jorge Casas Caneiro, Isabel García Coldeira, Borxa Insua Lema, Marcelino de Santiago, Larraitz Urrozola Tolosa, Ero Vázquez Cabrera, Músicos Joan Ibáñez, Benjamín Iglesias, Alex Salgueiro, Antonio Suárez e David Villa.

Duración: 60 minutos

Dirixido a público infantil a partir de 4 anos, ata 100.

A OBRA: Espectáculo de gran formato dirixido a todos os públicos que combina o traballo de actor e a pantomima coa animación de marionetas  e a maxia coa música en directo nun espazo escénico polivalente e suxestivo no que todos os elementos forman parte da divertida, misteriosa e trepidante aventura que supón a viaxe dunha peculiar e curiosa marioneta chamada Arlequina na busca da súa identidade contando para iso coa axuda de Marchelino, un vello e estrafalario artista e titiriteiro.

Con este espectáculo créanse sinerxias de colaboración e creación con e entre diferentes  artistas que nos últimos anos teñen traballado en diferentes espectáculos dos Monicreques de Kukas e que ao mesmo tempo manteñen liñas de traballo propias como Zoar Ensemble, Teatro de marionetas Trécola, Títeres Alakrán, Jorge Casas Caneiro, Miguel Cabaleiro e Larraitz  Urruzola para coa súa achega propia e baixo a dirección escénica e artística de Isabel Rey e Marcelino de Santiago crear un espectáculo cunha posta en escena moi coidada tanto dende o punto de vista dos recursos plásticos como dos musicais, sonoros, luminosos, técnicos e escénicos co que celebrar e festexar o 40 aniversario da compañía.

No ano 1979 Marcelino de Santiago e Isabel Rey fundan Os Monicreques de Kukas, a compañía de teatro de marionetas máis antiga de Galicia e unha das máis estables do teatro galego. 

+ info 

010 ou desde fóra de Lugo, 982 297350

www.lugo.gal

RR.SS. Concello

Neste primeiro semestre haberá outras programacións que se difundirán a través da web www.lugo.gal e terán programa propio coma o ciclo MilhSons, Semana da Danza, LugoMáxico, Entroido, Semana Santa, Teatro Universitario, Encontro de Danza, etc.