“Teño algo importante que dicir pero aínda non sei o que é” esta frase sitúase como punto de partida da nova creación da compañía Elahood. Unha proposta de danzas urbanas baixo unha mirada de creación contemporánea en co-produción co Centro Coreográfico Galego | Agadic. O proxecto Nó lanza unha mensaxe contradictoria e anima aos públicos a descifrala por elxs mesmxs. Mentres a compañía afirma “non ter nada importante que dicir”, na súa peza vense mensaxes rotundas que atenden ás necesidades e carencias da situación socio-económica actual. A precaridade laboral, a identidade de xénero ou as novas tecnoloxías, son algunhas das temáticas polas que transita a peza, unha dramaturxia que se achega aos discursos que ocupan o debate actual, anticipando unha ruptura cunhas formas de facer preestablecidas.

O espectáculo conta coa estética máis característica da compañía, unha danza precisa, limpa e extremadamente coordinada que atende a unha musicalidade concreta. A compañía continúa a súa aposta particular por unha linguaxe visual e coidada, que neste espectáculo abraza a presenza do texto, a voz e a ironía.

Onde reside a importancia do importante?

Debemos subirnos a un escenario sempre coa resposabilidade de defender un discurso?

Nó é un collage que parte da intuición más naif de dúas mulleres galegas que se rinden a ter que ser importantes. Unha proposta escénica contemporánea que invita á reflexión colectiva das preocupacións actuais.

FICHA ARTÍSTICA

• Título da peza: NÓ
• Compañía: Elahood
• Dirección: Julia Laport, Sabela Domínguez e Kerick Sandy MBE
• Coreografía: Julia Laport, Sabela Domínguez e Aina Lanas
• Interpretación: Julia Laport e Sabela Domínguez
• Espazo sonoro: LLXNTO e Bruno Baw
• Deseño de iluminación: Afonso Castro
• Escenografía e atrezzo: Anahí Taraburelli
• Grabación e edición de vídeo: Iria Casal
• Produción: Elahood e Sabela Ramos
• Asistencia de produción: Manu Lago · Galicia Danza Contemporánea

Unha co-produción entre o Centro Coreográfico Galego | Agadic e Elahood Co apoio do Concello de Oleiros e a Asociación Cultural Manicómicos